Primer буюу Base-ний ялгааны талаар
Будалтын хамгийн чухал зүйл бол суурь байдаг. Ихэнх охидууд маань Primer болон Base-ний талаарх ойлголт бага байдаг.Энэ удаа энэ хоёрын ялгаа мөн зөв хэрэглээний талаарх өөрийн мэдэх бяцхан зөвөлгөөгөө хүргэе.
Base
Нүүр будалтын суурь ба Primer-тай харьцуулбал будаг барих тал дээр арай дутмаг байдаг ба ихэвчлэн хуурай арьснд тохиромжтой байдаг. Миний анзаарснаар Азийн орнуудад суурийг base нэршлээр нэрлэдэг юм шиг санагддаг. Бас бүтэц үйлчилгээнээсээ хамааран шар, ногоон, ягаан, цагаан гэх мэт хэдэн төрлийн өнгөтэй байдаг. Ази буюу Монгол хүний арьс ихэвчлэн шаргал суурьтай байдаг тул шар өнгийн Base-ийг өдөр тутамдаа хэрэглэх нь тохиромжтой гэж мэргэжлийг хүмүүс зөвлөдөг.
Primer
Мөн л адил нүүр будах, кремээ тавихын өмнө будалтанд бэлдэж өгдөг суурь бүтээгдэхүүн юм. Үндсэн үүргээрээ Base-тэй ижил ч гэсэн үйлчилгээний хувьд ялгаатай байдаг. Primer-ийн хувьд будалтыг илүү сайн барьж өгөх, арьсыг гадны ямар нэгэн нөлөөнөөс хамгаалж таний нүүрэн дээр бүрхүүл үүсгэх ба хуурай, эмзэг, мэдрэмтгий, тослог, улаалттай, нүхжилттэй гэх мэт арьсны төрөл бүрт тусгайлан зориулагдсан байдгаараа онцлогтой. Ихэвчлэн барууны орнуудад суурь нь Primer нэршлээр нэрлэгдлэг. Та нартаа арьсны төрлөөс хамааруулан “high end” болон “drugstore” Primer-уудыг санал болгож байна.
- Хуурай арьс- Radiance эсвэл hydrating primer илүү таний арьсийг чийгшүүлж, гэрэлтсэн харагдуулах болно.
- Тослог арьс- oil-free гэсэн бичигтэй primer нь тосны агууламжгүй байдаг учраас нүүрний тослогыг тэнцвэржүүлж өгдөг юм.
- Нүхжилттэй арьс- porel less, pore minimize гэсэн бичигтэй нь таний арьсны нүх сүвийг бөглөж крем түрхэхэд нүхжилтрүү орохоос хамгаална.
- Холимог арьс- mattifying, oil-free primer-ууд илүү тохиромжтой.
- Улайлттай арьс- ногоон өнгийн primer-ууд ихэвчлэн улаалтыг дарах үйлчилгээтэй байдаг ба anti-redness гэсэн бичигтэй байдаг.
Бонус мэдээлэл
Primer хэглэсэн байдлын талаарх өмнө ба дараах байдалыг бичлэгнээс үзээрэй
Дэлхийн алдартай бүсгүйчүүдийн Vogue сэтгүүлийн гаргасан оны шилдэгээр шалгарсан primer-уудыг доор линкээр үзнэ үү.
